Некои познати личности кои можеа да бидат вмешани во обвинувањата против Шон Диди Комбс се спогодија со жртвите за да го избегнат вниманието на јавноста, рече Тони Базби, адвокат вклучен во случајот. Тој за TMZ изјави дека многумина сега стравуваат дека и тие би можеле да се соочат со сериозни обвиненија.

„Ќе правиме темелни истражувања“

Базби истакнува дека некои познати личности можеби нема јавно да се посрамотат затоа што реагирале навреме. „Сите се прашуваат кој е вклучен, кој ќе биде именуван, кој ќе биде разоткриен. Мислам дека тоа нема да се случи оваа недела“, рече тој.

„Ќе ја направиме нашата должна анализа пред јавно да именуваме некој друг освен Комбс, бидејќи знаеме дека тоа ќе предизвика бура во медиумите. Ако сте биле таму, сте виделе што се случува и не сте направиле ништо, имате проблем“, додаде тој.

„Многу луѓе знаеја што се случува“

Базби вети дека интензивно ќе ги гони сите насилници и посочи дека случајот е многу обемен. „Многу луѓе знаеја што се случува и не кажаа ништо. Сите тие поединци и организации ќе одговараат“, објасни тој. Тој потврди и дека веќе испратил барања до други познати личности, нудејќи им можност за мирна спогодба.

„Во вакви случаи, во интерес на жртвите е работите да се решаваат без јавна тужба, а веќе постигнавме спогодби со некои луѓе кои и се познати на јавноста“, рече тој.

По апсењето на Диди, предмет на истрага станаа сите негови врски со познати личности. Фотографиите од неговите забави повторно се во фокус, а гостите почнаа да откриваат детали. Базби претходно изјави дека јавноста ќе биде шокирана од имињата што се појавија во текот на истрагата. „Списокот е долг, но ќе се погрижиме да бидеме темелни пред да одиме понатаму“, заклучи тој.

Излегоа 12 илјади наводни жртви и сведоци

Да потсетиме, раперот беше уапсен од федерални агенти во Њујорк и обвинет по три точки, во кои се наведува дека сексуално злоставувал жени и ги терал да учествуваат во секс забави и употреба на дрога користејќи закани и насилство. Диди е во истражен затвор, а судијата три пати одбиваше да го пушти.

Планираат да го тужат 120 лица, од кои 25 биле малолетни во моментот на инцидентите што ги тужат. Едно лице имало 9 години кога се случило наводната злоупотреба. Вкупно 3.280 лица кои тврдат дека раперот ги малтретирал, контактирале со адвокатот кој ќе ги застапува тие лица.

За 24 часа излегоа дури 12 илјади наводни жртви и сведоци. Диди негира се.