Ривалдо е една од асовите, легендите кои е често активен по однос на фудбалските теми и прашања и редовно го дава својот став на актуелни теми и случувања.
Бразилецот своевремено беше еден од најдобрите играчи на светот и дефинитивно знае да процени, забележи од свое око фудбалери кои имаат потенцијал, знаење да направат голема кариера/кариери.
Токму Ривалдо изнесе низа на комплименти на адреса на младата ѕвезда на Барселона, Ламин Јамал кој со своите изданија се наметна како во клубот и шпанската А репрезентација, поточно двата тима не можат да се замислат без него во стартната постава иако тој се уште е само тинејџер и не е полнолетен.
-Тој е одличен играч. Му се восхитувам затоа што има личност и покрај тоа што е млад. Ама има многу, многу високо ниво. Мислам дека веќе е на ниво на Мбапе и Винисиус. Според неговата личност, мислам дека има уште многу да покаже. Тој ќе оди многу, многу далеку.
-Го гледате Јамал и тој игра со радост. Тој ужива во фудбалот. Ако на тоа се додаде фактот дека тој веќе го освои Европското првенство, тоа го прави играч кој ќе прави разлика во иднина. Јас сум убеден, -порача Ривалдо за „Марка“.
Офанзивецот во актуелнава сезона има одиграно 11 мечеви за Барса и забележано 5 гола и 5 асистенции.
