[ВИДЕО] Леброн и Брони испишаа НБА историја: Татко и син еден до друг на паркетот

Рано утрово Лос Анџелес Лејкерс загуби од Феникс Санс на натпреварот кој се одигра во Калифорнија, но резултатот остана во сенка на историјата која беше испишана.

Иако станува збор само за пресезонски меч, Леброн Џејмс и Брони Џејмс испишаа историја на еден НБА натпревар, бидејќи станаа првите татко и син кои заедно се најдоа на теренот.

Леброн го пропушти првиот меч на Лејкерси во подготовките, но рано утрово беше лидер на тимот и за првпат заигра крај својот син.

Леброн Џејмс и Џејмс Јуниор се најдоа еден крај друг на теренот, а историскиот момент беше одбележан и од страна на НБА.

За 13 минути игра на паркетот, Брони имал само еден обид и тоа бил неуспешен шут за три поени, додека неговиот татко за 16 минути запишал 19 поени, 5 скока и 4 асистенции.