Поради настаните од војната, Фудбалскиот сојуз на Русија е во големи проблеми.
Имено, Русите планирале да одиграат натпревар со Пакистан во октомври, но не добиле позитивен одговор. Оваа азиска селекција овојпат одби да го одигра натпреварот поради неможност да го организира натпреварот навреме.
Планот беше двата тима овој месец да одиграат натпревар во Пакистан (еден веќе играа претходно), но поради руската понуда која стигна на 23 септември, спротивната страна не е сигурна дека ќе може да се подготви се што е потребно за да се одигра таков натпревар. Пакистанците предложија мечот да се игра во ноември, но и тоа е оддалеку.
Така руската селекција ќе остане без ривал во октомври, во периодот предвиден за репрезентативните акции ширум светот, па постојат сите шанси селекторот Валери Карпин да не ги ни собере репрезентативците овој месец.
Како опција се појави и репрезентацијата на Танзанија, тамошната федерација изрази подготвеност да одигра натпревар со Русите, но поради двата меча во рамките на квалификациите за Купот на нации кои оваа селекција треба да ги одигра, секако поважни од пријателски натпревари, нема да има дуел меѓу Русија и Танзанија.
