[ФОТО] Го препознавате ли актерот кој го глуми Доналд Трамп во новиот филм: Дејството ја следи неговата животна приказна

„The Apprentice“ го прикажува Себастијан Стан, кој ја презема најконтроверзната улога во својата кариера додека на големиот екран ја прикажува поларизацијата на поранешниот американски претседател Доналд Трам. И покрај тоа што Трамп и понатаму е една од личностите кои предизвикуваат најголеми поделби, Стан верува дека филмот ќе ја поттикне публиката малку да размисли за себеси и да ги истражи своите „потемни страни“.

Во разговор за „Entertainment Weekly“, Стан се осврна на хуманизацијата на Трамп во филмот и што сè фановите можат да очекуваат од него.

И покрај многуте проблеми поврзани со Трамп, Стан верува дека секој од нас има малку од него во себеси, без оглед на тоа дали сакаме да го признаеме тоа или не.

„Мислам дека во сите нас, во одредена мерка постои Трамп. Знам дека тоа можеби не е популарно за кажување или луѓето тоа можеби не сакаат да си го признаат“.

Исто така верува дека „The Apprentice“ ќе ги научи љубителите на филмот да ги прифатат своите мани и да станат подобри луѓе. „Важно нѝ е да ги истражиме потемните елементи кои живеат во нас, за да можеме да разбереме како да имаме подобар однос со нив, наместо да ги потиснуваме и одбегнуваме и да се преправаме дека ги нема“, вели Стан.

Филмот го прикажува животот на четириесет и петтиот претседател на САД, како специјалист за недвижнини, постепено градејќи ја својата репутација, во периодот од 1970 до 1980 година.

Актерот роден во Романија инсистира на тоа дека може да се поврзе себеси со помладата верзија на Трамп, којашто ја глуми, со оглед на неговата потрага по американскиот сон.

Филмот беше премиерно прикажан на филмскиот фестивал во Кан, а во текот на октомври ќе пристигне во кината.