Летовите до и од аеродромите Завентем и Шарлроа во Брисел денеска ќе бидат прекинати бидејќи стотици работници штрајкуваат за подобри плати и работни услови.
Најпрометните аеродроми во Белгија ги предупредија патниците дека повеќето од нивните летови ќе бидат откажани денеска бидејќи аеродромските работници штрајкуваат и се приклучуваат на протестот во главниот град на земјата.
Откажани се сите полетувања од бриселскиот аеродром Завентем, објавија во петокот менаџерите на аеродромот на социјалната мрежа X. Откажани се и многу од дојдовните летови, покажуваат информациите на интернет.
⚠ 1 Oct - #NationalManifestation in #Brussels. To ensure the safety of our passengers & staff, airlines, in consultation with #brusselsairport, have cancelled all departing passengers’ flights on Tuesday 1st of October. More info: https://t.co/0FcxF5KJVA pic.twitter.com/RbbC0raRNt
— Brussels Airport (@BrusselsAirport) September 27, 2024
Главоболка имаат и патниците кои треба да патуваат од Брисел од аеродромот во Шарлроа, бидејќи стотиците планирани полетувања сега се доведени во прашање. Белгиските медиуми јавуваат дека овој потег ќе влијае на околу 42.000 патници.
Недостигот од безбедносни работници предизвикан од штрајкот е толку голем што не е можно да се организираат безбедни операции, изјави портпаролот на аеродромот.
Според локалниот печат, околу 1.000 чистачи, работници од обезбедувањето и угостителски работници од различни европски синдикати ќе протестираат во срцето на ЕУ, повикувајќи на подобри работни услови и плати.
Протестите започнаа во 10 часот по средноевропско време пред аеродромот во Шарлроа.
Најголемиот белгиски синдикат, Конфедерацијата на христијански синдикати, рече дека демонстрантите сакале да преземат акција против „големиот обем на работа“ и „лошите работни услови“ на аеродромот.
Тие вклучуваат несоодветни работни температури, скап паркинг и прескапи и ограничени капацитети за персонал.
ANNOUNCEMENT🇪🇺: On 1 October, essential workers from 6 countries across Europe – cleaners, security guards and catering workers – will stand together in Brussels to protest the race to the bottom on working conditions in their sectors.
— UNI Europa (@UNI_Europa) August 12, 2024
Join in support: https://t.co/TdCS6eJQD9 pic.twitter.com/EvYWtBw1rY
Уште еден протест е закажан во европскиот кварт, кој, наводно, бара прилагодување на правилата за јавни набавки на ЕУ кои наводно поттикнуваат штетни работни услови низ целиот блок.
Работници од Луксембург, Холандија, Норвешка, Италија, Шпанија и Финска најавија присуство на протестот на аеродромот во Брисел за да ја изразат својата загриженост за предложените ревизии за набавките.
Протестот го предводат европските синдикални федерации УНИ Европа и Еффат.
Повеќе од 100 експерти потпишаа писмо предводено од УНИ Европа за поддршка на штрајкот, кој според нив има за цел „да ја запре трката до дното“.
Тековниот процес на набавки во ЕУ одразува одредени „пазарни услови“ кои може да занемарат одредени критериуми, како што се работничките права и правичните работни услови, се вели во писмото.
Европската комисија јавно не го коментираше ова прашање.
