Од понеделни, 16 септември, во аптеките ќе може да се набават деветте нови лека на позитивната листа.
Информацијата ја сподели министерот за здравство, Арбен Таравари, на денешната прес-конференција. На листата се додадени лекови за крвен притисок, за срцеви заболувања, антиагреганти, лекови за третман на депресија и деменција.
Се работи за девет нови генерации, односно 87 лека со разни имиња и форми.
Таравари истакна дека заедно со Светската здравствена организација (СЗО) подготвуваат платформа преку која ќе биде обезбедена транспарентност на целиот процес за идното проширување на позитивната листа и ќе бидат земени предвид препораките од СЗО и од експертите во државата.
Следното проширување на позитивната листа, како што најави министерот, ќе биде по Нова година.
