Станува збор за град кој е во центарот на руската офанзива на регионот Харков, која започна во мај. Пред почетокот на офанзивата, во градот живееле 17.000 жители. Сега е претворен во урнатини и пепел.

Што се случува сега во градот?

Вовчанск е град во кој моментално се водат некои од најжестоките битки.

„Русија претрпе загуби и беше принудена да се повлече по обидот да напредува кон Вовчанск“, соопшти пред неколку дена украинската армија.

„Во Вовчанск, како подготовка за јуришни операции, непријателот се обиде да испорача персонал во централниот дел на градот, користејќи два тенкови и две оклопни борбени возила МТЛБ. Тие претрпеа загуби и се повлекоа“, соопшти оперативно-тактичката група Харков.

Силите на Кремљ започнаа офанзива во регионот Харков на 10 мај, заземајќи голем број села на североисточната граница на Украина и принудувајќи илјадници цивили да избегаат, но Украина набрзо објави дека рускиот притисок во регионот не успеал и дека Москва претрпе големи загуби.

Сè уште се водат жестоки битки

Институтот за проучување на војната, истражувачки центар со седиште во САД, во својата анализа вели дека борбите продолжуваат северно и североисточно од градот Харков и дека најжестоко се водат во Вовчанск.

„Портпаролот на украинската бригада која работи во правец на Харков изјави дека руските сили кои дејствуваат во оваа насока вршат напади без поддршка на оклопни возила“, соопшти "ISW".