[ФОТО/ВИДЕО] На првата приватна „прошетка“ во вселената заминаа четири лица: Маск пишува историја и ги пробива сите граници!

„Polaris Dawn полетува“, пишува компанијата на Илон Маск на социјалната мрежа „X“, заедно со снимката од ракетата „Falcon 9“ што полетува од вселенскиот центар Кенеди. Полетувањето беше одложено неколку пати во изминатите две недели, најмногу поради лошите временски услови.

Вселенската прошетка е планирана за четврток, на половина пат од петдневниот лет.

Ако се оди според планот, тоа ќе биде прва приватна вселенска прошетка, но без напуштање на капсулата.

Вселенските прошетки, една од најризичните задачи за време на вселенските летови, беа изведувани само од професионални астронаути кои и денес рутински го прават тоа на Меѓународната вселенска станица во орбитата на Земјата.

На прес-конференција пред летот, милијардерот и еден од учесниците во мисијата, Џаред Ајзакмен, одби да каже колку инвестирал во летот. „Нема шанси“, рече тој.

„SpaceX“ соработува со Ајзакмен за да плати за развој на вселенски одела и други трошоци.

„Не сум роден кога луѓето одеа на Месечината. Сигурно би сакал моите деца да видат луѓе како шетаат по Месечината и Марс и го истражуваат Сончевиот систем“, изјави 41-годишниот милијардер пред мисијата.