[ВИДЕО] Русите отсечени, Директен украински удар од ХИМАРС на главниот мост во Курск, стигнаа и лизгачките бомби

Нападот бил изведен од тешко оружје кое користело касетна муниција, а украинските медиуми јавуваат дека најверојатно се работи за ХИМАРС, моќен американски повеќецевни ракетен фрлач.

Како што пренесува Киев пост, во ударот целосно бил уништен клучниот патнички мост преку реката Сејм, поради што руските сили во тој дел од областа Курск најверојатно останале без последниот пат до безбедна територија и најверојатно биле заробени.

Нападот на дневна светлина што ја погоди армирано-бетонската конструкција беше фатен со беспилотни летала управувани од украинската тактичка единица за беспилотни летала Хорн Груп, која неодамна објави снимка од нападот.

На снимката се гледа како три експлозии последователно прецизно го погодуваат веќе оштетениот централен дел на мостот. Првите две боеви глави расфрлаа касетна муниција која детонираше на мостот и во водата, а третиот удар предизвика нова експлозија.

После тоа, украинските воздухопловни сили го таргетираа мостот со американски крстосувачки бомби JDAM-ER.

Погодениот мост се наоѓа во близина на селото Кариж и по ударот повеќе не е употреблив за сообраќај.