Актерот Мет Лебланк, кој се прослави со улогата на омилениот Џои Трибијани во популарната серија „Пријатели“, изгледа речиси непрепознатливо.
Имено, актерот за првпат беше виден во јавноста по погребот на колегата и пријател Метју Пери, кој го глумеше Чендлер Бинг во „Пријатели“.
Седата коса актерот ја покрил со капа, а бил облечен во лежерна комбинација, фармерки, црна маица и патики.
Во јули актерот го прослави својот 57-ми роденден, а иако моментално нема никакви актерски ангажмани, сè уште живее на сметка на славата која ја стекна во 90-те години на минатиот век.
Серијата „Пријатели“ има 10 сезони и е една од најпопуларните серии на сите времиња.
