Многумина избираат кафе за својот прв утрински напиток, но бројните придобивки од овој чај би можеле да ве убедат да ја промените таа навика.
Јапонскиот нутриционист Мичико Томиока секој ден пие мача, омилен напиток кој придонесува за долговечност.
Мача е зелен чај во прав кој содржи клучни хранливи материи како витамини А, Ц и К, влакна, протеини и аминокиселината л-теанин, за која е докажано дека помага во подобрување на сонот, намалување на стресот и зајакнување на когнитивните функции.
Содржи и полифеноли како што е епигалокатехин галат (EGCG). Полифенолите се природни соединенија во растенијата, богати со антиоксиданти кои можат да помогнат во борбата против болестите и воспаленијата.
Истражувањата покажаа дека мачата исто така може да го намали ризикот од кардиоваскуларни болести и да го подобри здравјето на цревата.
Лековитите и релаксирачки својства на мачата ги откриле меѓу првите и уживале во нив будистичките зен свештеници и самураи.
Мачата потекнува од истото растение како и обичниот зелен чај, но таа се одгледува во сенка во последните 20 до 30 дена пред бербата, се суши и потоа се претвора во фин прав, за разлика од обичниот зелен чај што расте на сонце. Токму престојот во сенка ѝ ја обезбедува на мачата титулата на еден од најздравите напитоци во светот, бидејќи во тој период добива цело богатство на хранливи материи - антиоксиданти, аминокиселини, витамини и минерали.
Денес
