Меѓутоа, туристите некако секогаш ги бираат тие едни исти места, па така Рим, Венеција, Амалфи, Неапол, Милано, езерото Комо и многу други се преполни и во екот на сезоната го губат својот шарм поради големиот метеж. А за да не се случи тоа, најдовме три одлични локации, подеднакво убави, под радарот на неуморните туристи.

Сигурно сте забележале како некои места поседуваат толку силна, речиси магнетна привлечност што дури и кога ќе се вратите од одмор, повторно ја планирате следната посета на тоа место за да го повторите прекрасното чувство што ве придружувало на вашето патување.

А овие речиси скриени места во Италија ќе го направат токму тоа, а еве зошто постојано ќе им се враќате одново и одново.

Сперлонга

Сперлонга е речиси исто толку волшебна како Позитано, кое се смета за едно од најубавите места на брегот Амалфи.

Станува збор за помало место, но со таква заразна енергија и префинетост што ќе се заљубите на прв поглед.

А она што му дава предност е што таму ќе најдете мир, многу помалку е посетен од туристи, а уште го нарекуваат и скриениот скапоцен камен на Италија.

Езерото Исео

Езерото Комо носи посебна романтична енергија со која тешко може да се парира, а освен тоа е едно од местата што обожаваат да ги посетуваат големите ѕвезди како Џорџ Клуни.

Меѓутоа, доколку застанете помеѓу езерото Комо и езерото Гарда и ја впиете убавината на езерото Исео, тоа целосно ќе ве освои.

Прекрасни ресторани, чудни, но особено шармантни села, мир, хармонија, зеленило и кршење на сончевите зраци на површината на водата, е посебно искуство кое вреди да се доживее.

Портовенере

Сите знаат за 5-те волшебни крајбрежни села кои ја сочинуваат посебната туристичка атракција на Cinque Terre. Сепак, Портовенере е многу потивка опција со помалку туристи, но речиси исто толку атрактивна.

Ова е посебно место идеално за семеен одмор со средновековен центар што дава посебно чувство на винтиџ неодоливост и бајковитост.

Исто така, Портовенере било и скришното место на познатите поети Бајрон и Шели.