Иако за мачките се вели дека се своеглави, тоа не значи дека не можат да бидат нежни кога се во близина на мали деца. Секоја мачка има свој праг на толеранција, но мачорот Лео ги освои срцата на корисниците на Инстаграм поради неговото исклучително трпение.
Сопственичката на Лео сподели видео минатиот месец кое прикажува како мачорот си игра со нејзината ќерка. Лео трпеливо седел и се преправал дека е пациент додека девојчето го прегледувало со својот детски лекарски сет.
„Никој нема повеќе трпение од мачка што живее со мало дете“, напишала сопственичката на Лео во виралната објава.
„Тоа не е мало дете, тоа е ветеринар“, „Гледам дека посетата на лекар поминала добро“, „Ова девојче е толку нежно“, „Го обожувам ова“, „Тие се толку слатки заедно“, се само некои од коментарите под видеото кое е прегледано повеќе од 4 милиони пати.
