Топлотните бранови продолжија низ јужна и источна Европа во јули, но се чини дека бранот сега се шири кон запад.
Во написот за претстојните топлотни бранови на веб-страницата Severe Weather, тие тврдат дека поголемиот дел од Западна Европа наскоро ќе се соочи со краток, но интензивен топлотен бран, што се совпаѓа со почетокот на Олимписките игри во 2024 година.
Облакот со топла воздушна маса наскоро би требало да донесе температури од +40 степени Целзиусови во делови од Франција, а дури и +45 степени во Шпанија.
„Според прогнозите на глобалните временски модели, температурите во последните денови од јули ќе бидат значително над просекот низ јужна и особено западна Европа“, се вели во написот.
Температурите конечно паднаа оваа недела, но се чини дека тоа нема да трае долго. Во средината на јули, продолжен топлотен бран се насели над Европа, кој донесе долготрајни горештини и особено екстремни топли ноќи. Но, новиот топлотен бран се засилува и во некои области како Западна Сахара и Пиринејскиот Полуостров веќе постави рекордни температури, па Шпанија и Португалија оваа недела забележаа температури од над 45 степени.
„Во средата, на 24 јули, во Мадрид беа забележани до +42 °C и +42,3 °C во областа Сиудад Универзитарија. Беше многу потопло во јужна и југозападна Шпанија, вклучително и јужна Португалија. Во Ел Гранада, Шпанија, е 45,6 °C, додека во Алвега во Португалија се измерени 45,5 °C“, продолжува написот.
Во Португалија рекордни беа и дневните најниски температури, бидејќи во градот Порталегре не можеа да паднат под +28,6 степени.
Иако Африка е навикната на високи температури во јули, оваа година тие беа историски високи. Во Тиндуф, Алжир е забележана минимална температура од +35,6 степени, а дневната максимална +48 степени. Мароко собори неколку рекорди, па во Касба Тадл беа измерени +48,3 степени, а Бени Малал го израмни својот рекорд на +47,7.
Ваквото време треба да продолжи, но и да се прошири низ цела Европа, па врвот на поплавниот бран се очекува од недела кон крајот на јули и почетокот на август. Горната граница ќе биде уште поголема, особено во Западниот Медитеран, Франција, Бенелукс и Обединетото Кралство.
Денес
