Подгответе се да се насмеете! Објавени се добитниците на наградата за најсмешно милениче за 2024 година, а резултатите се урнебесни. Овогодинешниот натпревар ги слави најзабавните и најсмешните моменти снимени од сопствениците на домашни миленици ширум светот. Од немирни кучиња до разиграни мачки, фотографиите ги прикажуваат уникатните карактери и лудории на нашите сакани пријатели.
Овогодинешниот генерален победник е Сара Хаскел со фотографија насловена „Не е само за мачки!“. На сликата е прикажано кучето Хектор како се обидува да имитира мачка и да ползи низ мала дупка за мачка.
Фотографијата на Сара, заедно со многу други брилијантни пријавени кандидати, уште еднаш докажува дека нашите миленици не се само придружници, туку и постојан извор на радост и смеа.
Drum roll!!!!!
Comedy Pet Winners Announced!!!
Overall Winner is Sarah Haskell with her photo of the adorable Hector...
Posted by Comedy Pet Photo Awards on Thursday 6 June 2024
Годишниот натпревар за фотографии кој се одржува петта година по ред, ги поканува љубителите на домашни миленици и животни да продолжат да споделуваат забавни фотографии и видеа од нивните комични крзнени пријатели.
Основачите на наградата, Пол Џојнсон-Хикс и Том Салам, го организираа натпреварот за да го истакнат позитивното и клучно влијание што милениците го имаат врз нашите животи и да ја промовираат свеста за благосостојбата на животните ширум светот.
