„Sarco“, скратеница за саркофаг, е футуристичка капсула дизајнирана за мирна и еуфорична смрт со брзо намалување на нивото на кислород со одржување на ниско ниво на „CO2“. Капсулата има за цел да пружи чувство на патување на „нова дестинација“, опис кој го нуди „Exit Switzerland“. И покрај планираното деби на морбидната капсула во јули, критичарите тврдат дека „додава доза на гламур при смртта“.

Нема доверливи информации за начинот на умирање, а сосема е нејасно кој има контрола над механичкиот процес во текот на процесот на умирање, се зборовите на швајцарското државно обвинителство.

Проблем со самоубиствениот туризам

Швајцарија со децении дозволува потпомогната евтаназија, што довело до тоа што критичарите го нарекуваат „самоубиствен туризам“. Легално потпомогната евтаназија е наменета за неизлечиво болни или тешко ослабени лица кои самите на себе си даваат смртоносна доза. Странци плаќаат од 7.500 до 12.000 долари за услуги како што се полициска декларација, кремација или погреб.

Во меѓувремен, интересот за потпомогната евтаназија расте. „Exit“ пријавил 1.252 асистирани евтаназии во 2023, што е зголемување од 11 проценти во однос на 2022-ра. Во меѓувреме, „Dignitas“, уште една швајцарска организација од тој вид, забележала зголемување на членството на британски државјани за 80 проценти во минатата деценија, а повеќето од останатите членови се Германци и Французи.