И не само тоа, туку во тие соништа се важни сите детали, дури и оние најмалите кои можеби нема да ги забележиме.

Обично соништата се однесуваат на некој аспект од нашиот реален живот и имаат пораки што треба да се откријат во нивната симболика.

Важно е да се знае дека соништата за секс ретко се однесуваат на физичка привлечност, туку повеќе откриваат нешто на емоционално, психолошко ниво – истакнува Лара.

Таа додава дека веќе кога сте будни знаете дали сакате да спиете со некого во реалниот живот, не ви треба сон за да го знаете тоа.

„Но, ако таа личност во вашите сексуални соништа е некој кој всушност не ве привлекува, веројатно сакате на некој начин да ја имитирате или ѝ се восхитувате, на нејзината личност“, објаснува Лара.

Не треба да се грижите ако сте во среќен брак и сонувате за секс со странци или со вашиот шеф.

Според Ловенберг, сексот во сон најчесто претставува желба за поврзување со некој внатрешен аспект на таа личност, како особина или однесување, а не со нивното физичко тело.

Секс со непознат или со познаник

Ако сте сонувале за секс со странци или луѓе кои едвај ги познавате, можеби не сте сигурни што е тоа кај нив што ви се допаѓа или го сакате да го отелотворите. Во овој случај, Ловенберг предлага да погледнете што се истакнува на личноста од соништата.

„Можеби е многу мускулест или нешто слично. Ако некоја карактеристика или особина навистина се истакнува кај личноста во сонот, тоа е она што за вас таа личност претставува. Така, мускулите би ја претставувале вашата способност да бидете силни. Да се справувате со тешки ситуации и да совладувате нешто тешко.“

Секс со професор или со шеф

Имајќи предвид дека спиењето со некого во сон честопати претставува желба за квалитет што го има таа личност, сонувањето за шеф или професор може да значи дека „сакате квалитети на шеф“, вели Ловенберг.

„Сакате повеќе авторитет, сакате да бидете главни и да носите посилни одлуки. Може да биде и дека сакате да бидете во добри односи со вашиот шеф или да се поврзете со него на некој начин за да ве почитуваат“, објаснува Ловенберг.

Секс со поранешниот партнер

Не е невообичаено да сонувате за поранешните, а ако спиете со нив, најочигледната причина е што едноставно може да ви недостигаат.

„Особено ако сте во сушен период или ако моменталната врска не ве исполнува“, истакнува Ловенберг.

Можеби ви недостасуваат некои елементи од таа поранешна врска или едноставно сакате да имате со кого да имате таков однос.

Секс со сегашниот партнер

Ловенберг истакнува дека сонувањето за секс со сегашниот партнер е доста вообичаено, но сепак треба да внимавате на деталите од сонот.

„Каде беше? Имаше ли разговор помеѓу вас или некој друг специфичен елемент во сонот? Затоа што тие детали веројатно ќе дадат повеќе информации за тоа што неодамна сте го поврзале или разговор што неодамна сте го имале“, истакнала таа.

Секс со пријател

Ако сте сонувале дека спиете со пријател, тоа не значи дека сте потсвесно заљубени во него.

„Понекогаш се работи за поврзување или зближување на некое психолошко или емоционално ниво. Дали неодамна сте имале интимен, откривачки разговор или сте поминале низ слично искуство?“, нагласила Ловенберг.

Според тоа, овој сон би бил одраз на тоа како сте се поврзале или, можеби, како сакате да се поврзете.

Секс со славна личност

„Овде е јасно – сакаме нешто што тие сакаат или некои нивни карактеристики.

Можеби ги сакаме и карактеристиките на ликот што славната личност го прикажува, особено ако ги гледаме во улога.“

Секс на јавно место

Сосема е вообичаено да сонувате за секс на јавно место или некаде надвор, а најважна од сè е локацијата.

„Околината на односот, без разлика што се случува, е многу важна. Важно е да се обрне внимание бидејќи ја претставува идејата за тоа каде сте во животот и во вашето срце и ум и што чувствувате“, вели Лаура.

Јавен секс во сон, според тоа, може да претставува преокупација со статус или признание.

И во зависност од тоа со кого спиете, можеби барате признание за квалитетите што ги има таа личност.

Сексуални соништа во бањата

Ако сонувате за секс во бањата, Ловенберг вели дека можеби имате – област од вашиот живот во која треба малку да се исчистите и олесните.

Партнерот во овој сон може да биде порака од вашата потсвест дека ако го прифатите однесувањето на таа личност во вашиот живот, со тоа полесно ќе се исчистите од негативноста.

Сексуални соништа во кујната

Во кујната сè се врти околу готвењето и храната, па ако имате секс таму во сон, „тоа обично е добар знак дека нешто се подготвува“, вели Ловенберг.

„За ум кој сонува, кујната би значело дека смислувате некоја идеја или проект што ќе ве исполни емотивно и ќе ве нахрани психолошки, а можеби и финансиски“, истакнува таа.

А вашиот партнер во вашиот сон, објаснува таа, е клучот за квалитетот или однесувањето што можете да го интегрирате во себе за да го започнете својот проект.