Ако некогаш сте се запрашале како можете да дознаете дали вашиот телефон е хакиран, еве неколку показатели.
Бавното работење на уредот обично е првиот знак дека нешто не е во ред и дека некој можеби „се прикрал“ незабележано. Други „аларми“ вклучуваат пребрзо празнење на батеријата и неработење на апликациите како што треба.
Споменатите симптоми се оние кои најчесто укажуваат дека телефонот можеби е хакиран, а нападите најчесто се вршат преку скриена инсталација на малициозен софтвер.
Софтверот од овој тип стигнува до паметниот телефон преку Интернет или преку кабелска врска со друг компјутер. На пример, ова може да се случи кога ќе го однесете телефонот во нерегистриран сервисен центар за поправка.
На почетокот, телефонот може да не покажува знаци дека е хакиран, а единствениот показател ќе бидат известувањата во апликациите и социјалните мрежи.
Меѓутоа, подоцна самиот телефон ќе почне да дава сигнали дека е „пробиен“. Ќе започнат прекини во неговата работа или ќе се појават некои други проблеми.
Како да се заштитите? Производителите препорачуваат инсталирање апликации преземени само од безбедни извори и избегнување поврзување со непознати компјутери.
Доколку се сомневате дека вашиот паметен телефон веќе е хакиран, експертите советуваат да се јавите во службата за корисници на производителот или продавачот на уредот. Ќе ви објасни каде можете да извршите дијагностика на вашиот телефон и да се ослободите од вашите сомнежи дали сте хакирани.
