Тестот го покажува она што се претпоставуваше – дека ни се потребни нови стандарди за заштитна ограда.
Автомобилите стануваат се потешки, а електричните возила не се единствените одговорни за тоа. Треба да се земат предвид и големите SUV модели, како и големите седани опремени со хибридни и plug-in хибридни системи.
Сообраќајниот институт во Тексас „A&M“ симулираше судир на „Tesla Model 3“ во стандардна заштитна шина што се користи во таа американска држава.
Електричното возило е програмирано да удира во заштитниот систем под агол при брзина од 100 km/h.
Резултатот – „Model 3“ ја проби заштитната ограда, што е јасен сигнал дека нешто треба да се промени.
Во нормални околности, овој тип на заштитна ограда треба да ја апсорбира силата на ударот и да го забави возилото. Се покажа дека оваа стандардна ограда не може да издржи возило тешко околу 1.900 кг.
Добрата вест е што сите воздушни перничиња во Tesla брзо се активираа и предниот дел на возилото се распадна. Возилото ја апсорбирало енергијата од ударот и веројатноста за повреди на патниците била максимално намалена.
Сепак, овој тест го покажува она што се претпоставуваше – дека ни се потребни нови стандарди за заштитна ограда. Не само во Тексас …
