По успешното лансирање на 17 февруари и шокантниот неуспех на првиот обид пред една година кога ракетата мораше да биде уништена со товарот, ова е трето лансирање со помош на ракетниот систем "H3".
Јапонија денеска лансираше надграден сателит "ALOS-4" на новата ракета "H3" за набљудување на Земјата и одговор на природни катастрофи и други безбедносни предизвици.
Ракета "H3 No. 3" полета од вселенскиот центар Танегашима на истоимениот остров во југозападна Јапонија и го ослободи сателитот како што беше планирано 16 минути по полетувањето, соопшти Јапонската агенција за воздушно истражување (JAXA), пренесува АП.
Напредниот сателит за набљудување на Земјата, наречен "ALOS-4", беше лансиран за да ја набљудува Земјата и да собира податоци за одговор при катастрофи и мапирање, но исто така е способен да следи и воени активности со помош на користење на инфрацрвен сензор развиен од јапонското Министерство за одбрана.
Watch Japan launch advanced Earth-observing satellite on new H3 rocket tonight https://t.co/e3tGxsxdJp pic.twitter.com/6wo3vFkXFX
— All About Space (@spaceanswers) July 1, 2024
По успешното лансирање на 17 февруари и шокантниот неуспех на првиот обид пред една година кога ракетата мораше да биде уништена со товарот, ова е трето лансирање со помош на ракетниот систем "H3".
Јапонија развива стабилни и комерцијално конкурентни капацитети за вселенски транспорт и ги смета за клучни за нејзината вселенска програма и националната безбедност.