Милена Дравиќ и Драган Николиќ беа една од најпознатите парови на српската кинематографија.
Тие се венчаа во 1971 година. Се запознаа на снимањето на филмот „Хороскоп“ во 1969 година. Милена тогаш беше веќе истакната актерка, додека Николиќ го играше својот четврти филм.
Нивната венчавка се случи за време на снимањето на новогодишниот ТВ-филм „Како две будали се сакаа“. Побарале уште еден час на паузата за снимање, отишле во општина Врачар и се венчале.
Тие беа во брак 45 години. Брачната среќа ја прекина болеста на актерот, од која почина на 11 март 2016 година. Заминувањето на Гага беше исклучително тешко за Милена. Таа го изгубила својот партнер, пријател и животен сопатник. Таа се бореше со оваа болка, за која и самата зборуваше.
- Можеби најважното нешто во животот е каков партнер имате. Драган го имав скоро 45 години. Тој ми беше огромна поддршка во разни, па и во најтешки ситуации. Тие средби, разговори, отварања, промоции, прилики каде поддршката што ми ја даваше ми даде посебна сила, а јас чувствував дека ја имам – изјави актерката за Блиц во едно од нејзините последни интервјуа.
Две години по смртта на Драган Николиќ, српската културна сцена остана и без дивата Милена Дравиќ. Актерката почина на 14 октомври 2018 година во Клиничката болница „Бежанијска коса“, каде со денови се лекуваше.
