Принцезата Ана е пуштена од болница по претрпени „полесни повреди и потрес на мозокот“ во инцидент со коњ изминатиот викенд.
Бакингемската палата ја сподели веста дека принцезата Ројал (73) се вратила во својот имот во Геткомб Парк откако поминала четири дена во болницата Саутмед во Бристол.
Откако Ен беше пуштена од болница, нејзиниот сопруг, вицеадмиралот Тим Лоренс, рече:
„Би сакал да упатам најголема благодарност до целиот тим во болницата Саутмед за грижата, стручноста и љубезноста за време на краткиот престој на мојата сопруга“, пишува Hello Magazine.
Принцезата Ана беше хоспитализирана во неделата откако претрпе потрес на мозокот и полесни повреди на главата истиот ден по инцидентот со коњ на нејзиниот имот во Геткомб Парк во Глостершир.
Од силината на ударот што го добила во главата, не можела да се сети што точно се случило, пишува Дејли Мејл.
Веднаш била повикана 911 и ѝ била укажана лекарска помош на местото на настанот пред да биде пренесена по пат во болница. Нејзиниот сопруг Сер Тим Лоренс ја придружуваше. Исто така, се претпоставува дека поради полесни рани на главата била задржана на опсервација неколку дена. Сите нејзини ангажмани се откажани, заедно со работната посета на Канада во четврток.