Еве во кои бои наводно ќе пристигне серијата "iPhone 16"

Точка

22/05/2024

08:04

9.035

Големина на фонт

а а а

Ако веќе размислувате која боја да ја изберете за вашиот нов "iPhone" од серијата што ќе пристигне оваа есен, сега можете да ги намалите вашите избори бидејќи сигурен извор ги откри сите веројатни нијанси. Најновите информации за боите на серијата "iPhone 16" преку "X" ги сподели Минг-Чи Куо, пазарен аналитичар познат по многу веродостојни информации за "Apple" и нивните производи.

Според неговите информации, "iPhone 16 Pro" и "iPhone 16 Pro Max" нема да бидат достапни во "Blue Titanium". Наместо тоа, ќе биде воведена нова боја – "Rose Titanium". Останатите бои како "Natural Titanium", "Black Titanium" и "White Titanium" се очекува да останат. Овие бои се веќе познати од претходната серија, односно од претходните модели на "iPhone 15 Pro" и "iPhone 15 Pro Max".

За стандардните модели на "iPhone 16" и "iPhone 16 Plus", тој не предвидува некои значајни промени

За стандардните модели на "iPhone 16" и "iPhone 16 Plus", Куо предвидува дека боите ќе останат прилично слични на сегашните опции, со исклучок на жолтата, за која вели дека ќе биде заменета со бела. Очекуваните бои се црна, зелена, розова, сина и бела.

„"Apple" може да ги преименува боите. Покрај тоа, дури и кога името на бојата е исто како и кај претходниот модел, самата боја може да биде различна“, истакна Куо на крајот од својата објава.

Предвидувањата на Куо за производите на "Apple" досега покажаа висока точност, па неговите најави привлекуваат големо внимание. Дали овој пат е во право, ќе покаже времето, односно настанот на Apple во септември, кога се очекува и официјалното претставување на новата серија.



Спонзорирани линкови

Маркетинг