Станува збор за моделите "485" и "485 CSR", кои се пензионираат по оваа ограничена серија и повеќе од десет години на пазарот. Најмоќните модели од серијата "Seven" на "Caterham" не го задоволуваат стандардот "Euro 6", па емисиите на издувните гасови се главната причина за прекин на производството.
Двете понудени верзии работат од 2.0-литарски атмосферски мотор од серијата "Duratec" на "Ford", кој произведува 228 коњски сили и 205 Nm со 8.500 вртежи во минута. Можеби на почетокот звучи скромно, но кога се комбинираат со филозофијата на лесна конструкција и екстремни автомобили, овие автомобили со рачен менувач со пет брзини и погон на задните тркала се многу брзи.
На прав пат тие достигнуваат 100 km/h за 4,1 секунди а максималната брзина е 224 km/h. Да кажеме и дека верзијата "CSR" се издвојува со пософистицирано подвозје, но и со значително поголеми шасија и тркала. Така, "CSR" е 180 mm подолг и 230 mm поширок, додека висината е зголемена за 25 mm.
"485" вози на 13-инчни "Black Apollo" тркала, додека "CSR" има за два броја поголеми бандажи на "Vulcano". И двата модели добиваат бројни ексклузивни детали, вклучувајќи го и внатрешниот тапацир во комбинација од кожа и Алкантара.
"Caterham" ќе понуди 60 примероци од "485", 25 од поголемите "485 CSR" и уште 10 автомобили наменети за јапонскиот пазар. Почетната цена е 67.495 евра.
