Имено, Шерифовиќ објави фотографија на која се гледа како кумот го држи малиот Марио, како и свештеникот кој го извршил овој чин.

„Вчера го славевме Василиј Острошки, потоа мојот прв Американски ден на мајката, но и крштевката на мојот мал синоок, мек памук принц. Стана Божјо чедо и нека те чуваат Бог и Свети Василиј од секакво зло, а јас од тага и од луѓе“, напишала Марија во описот на фотографијата.

Да потсетиме, пејачката на крајот на минатата година го доби синот Марио, кој на свет го донесе сурогат мајка.

Како што изјави таа во првата изјава за „Блиц“, моментот кога го запознала синот не може да се спореди со ништо што го доживеала досега.

„Долго се подготвував за тој момент, безброј пати во главата замислував како ќе изгледа... Ми кажаа и мајка ми и блиските пријатели, но тоа чувство е неописливо со зборови, нешто најпосебно... Се чини дека тие неколку минути на прв допир траеја прекратко или предолго... Едноставно толку многу емоции од кои престанува секое друго чувство“, изјави музичката ѕвезда.

„Синот ме промени“

Шерифовиќ не крие колку многу ѝ се променил животот откако на свет дошол Марио.

„Марио е одличен, тој е прекрасно момче. Се снаоѓаме одлично. Тој е мало суштество со карактер што ми се допаѓа, ако е буден 8 часа, 7 се смее“, вели српската пејачка.