Седмомесечно бебе кое паднало од четвртиот на вториот кат предизвикало паника во предградието на индискиот град Ченаи.
Случајни минувачи кои во тој момент се нашле на местото на настанот се здружиле за да го спасат бебето, а видеото кое тогаш било направено станало вирално на социјалните мрежи.
На видеото, снимено во предградието Авади, се гледа бебето како лежи на работ од лимениот покрив на станбена зграда додека испаничените мажи се обидуваат да бидат брзи и да го однесат на безбедно пред да се лизне понатаму.
This #Viralvideo is from #Tamilnadu's #Chennai a little baby was hanging by the roof.
— Siraj Noorani (@sirajnoorani) April 28, 2024
Heartwarming! A life saving act by residents of Chennai.#viral #ViralVideos #india pic.twitter.com/9xPetzFAAN
На видеото можат да се чујат вресоците на набљудувачите додека тројцата мажи се обидуваат да се качат од првиот кат и да дојдат до бебето, а останатите држат постелнина како би го фатиле бебето доколку се слизне.
На крајот, еден од мажите успева да дојде до бебето и да го однесе на сигурно.
Полицијата соопштила дека бебето паднало додека мајката го доела на балконот и дека ќерката ѝ се лизнала од раце кога се обидела да посегне по џогерот.
„Паднала кога мајката ја доела. Видеото и спасувањето се автентични. Не одбивме никаква формална жалба. Детето е добро“, било наведено во соопштението.
