АЕК доживеа болен пораз од ПАОК од 3-2 во дерби пресметката во првата лига на Грција, пораз кој ја прави супер интересна трката за шампионската титула.
Сега клубот од Солун има четири бода помалку од лидерот АЕК, но и натпревар помалку што значи може да дојде до минус еден што е гаранција за пеколна завршница на шампионатот.
По последниот судиски свиреж во фокусот се најде тренерот на гостите, Матијас Алмеида кој беше многу нервозен и едноставно се „исклучи“, па се фати за гуша со секој кој му дојде на патот, противнички играчи, официјални лица…
