Компанијата објави интерактивна мапа која покажува каде патниците најверојатно ќе се соочат со безбедносни закани врз основа на ризикот од политичко насилство, социјални немири, насилен и ситен криминал и, оваа година, влијанието на климатските промени.

Меѓу најбезбедните места за посета се Гренланд, Финска, Норвешка, Исланд и Луксембург, а „International SOS“ вели дека безбедносните закани таму се безначајни. Спротивно на тоа, Либија, Јужен Судан, Сирија, Украина и Ирак се меѓу најопасните за посета, а овие земји се рангирани како земји со екстремен безбедносен ризик.

Во државите од Централна и Јужна Америка, Венецуела, Хондурас и Хаити, безбедносниот ризик за патниците се смета за висок по постојаниот пораст на криминалот и немирите. Спротивно на тоа, Норвешка, Финска и Исланд се означени како земји со низок ризик од здравствени и безбедносни проблеми, што значи дека се најбезбедни - заедно со Швајцарија и Гренланд.

Ризик од климатски промени

Кога станува збор за здравјето, земјите со најголем ризик од заболување од медицински проблеми или болести ги вклучуваат африканските земји Нигер, Судан, Либија, Централноафриканската Република, Сомалија и Сиера Леоне. Јемен е исто така означен како земја со висок ризик, како и Ирак, Сирија и Северна Кореја. Места со низок ризик од болести се повеќето од Европа, Канада, САД, Нов Зеланд, Австралија, Јужна Африка и Чиле.

Оваа година за прв пат беше вклучена категорија која се фокусира на влијанието на климатските промени врз земјите ширум светот. Во Велика Британија, Франција, Германија, Шпанија и Италија ризикот од климатски промени се смета за низок, но во земји како Нигерија, Демократска Република Конго и Сирија ризикот е многу висок.

Додека ризикот е низок за повеќето европски земји, „International SOS“ посочува дека летниот топлотен бран Кербер направи пустош на континентот. Температурите со денови постојано беа над 40 Целзиусови степени, а туристите во Рим паѓаа во несвест поради жештината.