Еден од посебните моменти во животот е кога децата за првпат ги среќаваат своите браќа и сестри. Иако родителите понекогаш чувствуваат непријатност поради тоа како нивните деца ќе реагираат, тој момент често станува прекрасен и трогателен спомен.
Еден таков момент споделила мајката Хејли Мур. Неодамна на Инстаграм објавила видео во кое ја прикажува реакцијата на својот син Коув и ќерката Хејвен на прва средба со својата помлада сестра Рози.
Во виралното видео, Коув и Хејвен изгледаат пресреќно што ќе ја запознаат својата помлада сестра, а дури и донеле две кадифени играчки.
Кога влегле во собата, почнале љубопитно да ја гледаат малата Рози, а после некое време ја држеле во раце.