Леонардо ди Каприо ќе ја игра улогата за една од најголемите музички легенди, во новиот филм на Мартин Скорсезе

Точка

18/04/2024

10:05

3.302

Големина на фонт

а а а

Мартин Скорсезе подготвува филм за една од најголемите музички звезди на светско ниво, воедно и еден од најистакнатите претставници на свинг и џез музиката.

Леонардо ди Каприо ја добил улогата на Френк Синатра во новиот филм на Мартин Скорсезе, пишува „Variety“. Улогата на Ава Гарднер и припадна на Џенифер Лоренс, со која Ди Каприо соработуваше на филмот „Don't Look Up“.


Од друга страна, Ди Каприо и Скорсезе соработуваа неколку пати. Ова дуо е еден од најплодните актерско-режисерски парови, зад нив се филмовите како „Gangs of New York, The Aviator, The Departed, Shutter Island и The Wolf of Wall Street“. Нивниот последен филм, „Killers of the Flower Moon“, беше номиниран за 10 Оскари.


Веста за биографскиот филм за Френк Синатра беше дочекана со ентузијазам од фановите, коментирајќи дека „Ди Каприо е одличен избор за улогата на Френк Синатра“.




Спонзорирани линкови

Маркетинг