Фелипе Андерсон потврди дека го напушта Лацио, но изненади со изборот на следен клуб

Андерсон доцна синоќа објави соопштение со кое потврдува дека нема да потпише нов договор со Лацио и по крајот на сезоната заминува, но кариерата ќе ја продолжи во Палмеирас.

До последен момент се очекуваше дека Бразилецот ќе ја прифати понудата на Јувентус, за која неговите агенти преговараа долго, но на крајот излезе дека Андерсон ќе се врати во татковината.

Интересно е дека самиот фудбалер во соопштението само информира дека ја завршувата својата втора етапа во редовите на Лацио, а малку подоцна Палмеирас преку социјалните мрежи објави дека го обезбедила потписот на Андерсон.