Кол Палмер постигна четири од шесте гола на Челси во вчерашната победа над Евертон, а со хет-трикот во првото полувреме се приклучи на елитно друштво фудбалери кои успеале да стигнат до ваков ефект во Премиер лигата.
Новата ѕвезда на англискиот фудбал доби можност да шутира и пенал во вториот дел, но до истиот стигна на малку потежок начин.
Дел од соиграчите сакаа да му го „украдат“ пеналот на Палмер и влегоа во расправија, па иако на крајот топката заврши кај првиот пеналџија, сцената предизвика лутина кај фановите и менаџерот Маурисио Покетино.
По мечот, Палмер коментирал што се случувало на теренот и индиректно им порачал на соиграчите дека претерале со својата реакција.
– Други фудбалери сакаа да го шутираат пеналот, што донекаде е разбирливо при резултат 4:0, но ја сум назначен за изведување пенали и на крајот јас и го изведов тој удар.
– Мислам дека малку претераа во обидот да докажат дека се подготвени да преземат одговорност, на крајот сепак ова ќе биде основа за добри шеги во екипата, – рекол расположениот Палмер.
