Хајди Клум изјави за „Entertainment Tonight“ дека е лута на колешката од „America's Got Talent“, Софија Вергара, затоа што актерката не успеала да и овозможи улога во нејзината нова серија на Нетфликс, Гризелда.
„Бев вознемирена, па ја прашав: „Зошто не можев да бидам една од твоите роднини? Можев да бидам братучетка што не зборува, бидејќи очигледно не зборувам шпански“, рече 50-годишната легендарна манекенка.
„Но, можев да бидам навистина, знаете, да не зборувам ништо“, низ смеа кажала таа. „И јас можев да бидам една од тие прекрасни девојки. Но, Софија рече: „Nein“.
Криминалната драма на Нетфликс, која беше премиерно прикажана во јануари, го прикажува подемот на вистинскиот наркобос од Мајами, Гризелда Бланко (Вергара) - позната и како „Кумата на кокаинот“ - и нејзиниот неизбежен пад од власт и веројатниот атентат во 2012 година на нејзина 69-годишна возраст.
И покрај општите пофалби за изведбата на Вергара, синот на Бланко, Мајкл Корлеоне Бланко, остро ја критикуваше актерката на „Modern Family“, велејќи дека нејзиното прикажување е всушност „непочитување“.
„Софија Вергара не се консултираше со ниту еден член на семејството Бланко како знак на почит или да изнуди семејни детали при прикажувањето на мајка ми“, во револт изјавил Бланко (45) за „Fox News“ претходно оваа година. „Кога дознав за проектот „Гризелда, мојот тим дојде до кампот на Софија и ги понуди моите консултантски услуги“.
Според Мајкл, тимот на Вергара ја отфрлил неговата понуда велејќи му дека „нема простор за проектот да се консултира со него или со членовите на лозата на Бланко“.
