Додека британското кралско семејство веќе со недели е во центарот на вниманието на светската јавност, социјалните мрежи ширум светот се преполни со интересни факти за неговите најистакнати членови. Заедно со Кејт Мидлтон, која пред неколку дена откри дека има рак, во фокусот е и нејзиниот сопруг принцот Вилијам, кој се најде во центарот на шпекулации и трачеви, а водечка шпекулација е дека веќе долго време ја изневерува својата сопруга со маркизата од Чолмондели, Роуз Ханбери.
И додека во британските медиуми ова беше означено како апсурдна шпекулација, Американците на целата тема ѝ пристапија како да е точна. На пример, дури и познатиот водител Стивен Колбер во својата емисија посвети воведен монолог на тема прељубата на Вилијам, наведувајќи ја Роуз Ханбери како негова љубовница.
Исто така, оваа афера беше спомената и во минатогодишната книга на Омид Скоби, „Endgame: Inside the Royal Family and the Monarchy's Fight for Survival“, иако прилично внимателно, а единственото нешто што со сигурност се наведува е дека Вилијам и Кејт Мидлтон се оддалечиле од убавата маркиза откако во 2019 година се појавија гласини за нивната романса.
По признанието дека на принцезата од Велс ѝ бил дијагностициран рак, медиумите престанаа да шпекулираат за прељуба, но од друга страна оваа тема се уште е актуелна на социјалните мрежи. Интернет заедницата не ги заборава лесно шпекулациите, а овие денови особено се занимава со споредување на изгледот на Вилијам некогаш и сега.
Имено, помладата генерација ги открила фотографиите на принцот од младоста, изненадени од неговата некогашна убавина и „шмекерскиот“ став. Дури и оние кои се сеќаваат на Вилијам во неговите 20-ти години биле изненадени од тоа колку принцот се променил.
„Не сум сигурна дека генерацијата З знае нешто за ова, но како постар милениумец имам должност да ве информирам: најлудиот пресврт во поновата кралска историја е тоа што принцот Вилијам беше тој кој беше згоден“, гласи една од најпопуларните објави на оваа тема, која повлекува паралела со принцот Хари.
Имeно, додека принцот Хари отсекогаш бил по малку аутсајдер и не толку голем „фраер“, иако со интересна надворешност, Вилијам како студент имал холивудски тип на убавина: густа, руса коса и атлетска градба и лесно можел да заигра во било романтична комедија како главен лик по кој би воздивнувале жените. Важеше за еден од најпосакуваните ергени во Европа, па и во светот, не само поради титулата и богатството, туку и поради добриот изглед, а девојките и тинејџерките ширум светот лудуваа по него.
Меѓутоа, работите се малку поинакви денес, 20 години подоцна. Додека Хари сè уште, на 39 години, изгледа прилично добро и привлечно, Вилијам како што старее сè повеќе личи на својот татко, кралот Чарлс, а иако има само 41 година остана без поголемиот дел од косата. Тоа ги инспирираше корисниците на социјалните мрежи да прават интересни шеги, поврзувајќи ја неговата ќелавост со „кармата“ што го снашла поради наводното изневерување на Кејт.
„И тогаш неговата мајка, од рајот, виде дека Вилијам станува како татко му и таа едноставно му ја зеде косата“, „Принцезата Дајана му ги зеде косата, веѓите и обликот на брадата на Вилијам во моментот кога тој почна да се однесува како неговиот татко“, „Ова е клетвата на принцезата Дајана за неговото лошо однесување“, се само некои од илјадниците коментари во сличен дух.
