Главната состојка е секако кус-кусот, кој е вид на тестенини направени од дурум пченица. Често се комбинира со зеленчук, зачински билки и разни преливи. Оваа комбинација на состојки создава вкусна, шарена и хранлива салата која сите ќе ја обожуваат.

Кус-кус салатата е одлична за брз ручек или вечера. Таа е лесна и освежувачка, што ја прави совршено јадење за секој ден. Зеленчукот ѝ дава крцкава текстура и на тој начин јадењето е полно со витамини и минерали.

Потребни состојки:

- 300 гр. кус-кус
- 1 страк праз
- краставица
- пиперка, домат
- црни маслинки
- маслиново масло
- 2 лимони
- свеж магдонос
- зачини (мешан сув зачин, црн бибер)

Начин на подготовка:

1. Исечкајте го зеленчукот на ситни коцки, а во меѓувреме зовријте вода во едно тенџере и со неа прелијте го кус-кусот во посебен сад. Оставете 5 минути да отстои, а потоа во голем сад измешајте го кус-кусот со исечканиот зеленчук.

2. Подгответе дресинг така што ќе ги исцедите лимоните, ќе додадете маслиново масло и зачини.

3. Промешајте сè убаво, па на крајот додајте го свежиот магдонос и маслинките.