Веднаш избришете ги овие апликации: Крадат банкарски податоци, преземени се 200.000 пати

Точка

20/02/2024

21:49

10.244

Големина на фонт

а а а

Објавен е извештај за пет злонамерни апликации кои се прилично популарни во европските земји.

Овие апликации се преземени стотици илјади пати, а содржеле банкарски тројанец „Anatsa“. Ги открила компанијата „ThreatFabric“, која за „Bleeping Computer“ кажала и за кои апликации станува збор.

Најмногу се таргетирани корисници во Велика Британија, Чешка, Германија, Словачка, Словенија и Шпанија. На почетокот на мета биле само корисници на „Samsung“, но подоцна и останатите.


Станува збор за следните апликации:

1. Phone Cleaner – File Explorer

2. PDF Viewer – File Explorer

3. PDF Reader – Viewer & Editor

4. Phone Cleaner: File Explorer

5. PDF Reader: File Manager

Лажните апликации биле маскирани како да читаат PDF фајлови или да го чистат телефонот, а биле дизајнирани така што доаѓаат до топ-листа каде има нов бесплатни програми, што им ги зголемувало шансите да дојдат до уште корисници.

Се верува дека се преземени меѓу 150.000 и 200.000 пати пред да бидат отстранети од „Play Store“, а користеле повеќестепен процес за „заразување“ на уреди без интеракција на корисниците. Ако ги имате, избришете ги од својот телефон.




Спонзорирани линкови

Маркетинг