Пишувањето пораки додека возите е тешко, опасно и нелегално, но „Google“ сака да ја искористи моќта на вештачката интелигенција за да им овозможи на возачите побезбедна опција. Најновата верзија на оперативниот систем на автомобилот, „Android Auto“, ќе ги сумира и ќе одговара на текстуалните пораки за возачот.
Надградбите беа најавени за време на претставувањето на серијата телефони на „Samsung Galaxy S24“, а „Google“ тврди дека новите функции за вештачка интелигенција ќе го направат побезбедно користењето на телефонот додека возите.
Кога корисникот добива долги пораки или повеќе пораки во групен разговор, вештачката интелигенција на „Google“ автоматски ќе ги сумира, а оние кои ја користат функцијата за разговор на Google во „Gmail“ веројатно веќе знаат како изгледа ова. Се чини дека системот ќе го користи „Google Assistant“ за споделување информации со корисникот наместо да чита преглед на пораки.
Дополнително, Android Auto ќе им понуди на корисниците предлози за одговарање на текстуални пораки, со што таа активност ќе биде побрза и полесна. Исто така, тие ќе можат да користат различни податоци како оние од апликацијата „Google Maps“ како на пр: „Информирајте го лицето со кое корисникот се допишува за времето на неговото пристигнување на дестинацијата во случај тоа лице да го чека“.
Студија од 2020 година покажа дека користењето на инфозабавниот систем може да го забави времето на реакција на возачот повеќе отколку ефектите на алкохолот и канабисот. Се чини дека новите функции ќе бидат посигурни од обидот да се одговори на пораки директно преку мобилниот телефон, но прашање е дали тоа е доволно. Покрај тоа што ќе им дозволи на корисниците повеќе да користат текстуални пораки, „Google“ планира да направи „Android Auto“ да изгледа повеќе како мобилниот телефон на возачот. Системот ќе споделува работи како позадина, икони на апликациите и сл. помеѓу „Galaxy S24“ и инфозабавниот систем.
Денес
