Пол Фостер, британски готвач и добитник на познатата Мишелин ѕвезда, највисокото и највредното признание во кулинарскиот свет, на социјалната мрежа „ТикТок“ ја открил својата тајна за совршено подготвено поширано јајце.
Тој со своите следбеници ги споделил деталните чекори како да добиете совршено поширано јајце.
Многумина кога пошираат јајце користат оцет, а Фостер вели дека воопшто не треба да го правите тоа. Сè што ви треба е тенџере за готвење, свежо јајце, прстофат сол, цедалка и малку вештина.
Првото нешто што треба да го направите е да го изматите јајцето во цедалка, а потоа да додадете сол во зовриена вода и нежно да го спуштите јајцето.
Фостер препорачува да се готви околу две минути, а во зависност од тоа дали го сакате повеќе или помалку ровито, може да го зголемите или намалите времето.
Не заборавајте да погледнете одвреме-навреме за да видите како изгледа.
@paulfosterchef Reply to @andrewwilliamson565 exactly the same process as before. Bigger pan more water is key. Hopefully the trolls that don’t think it scales up will now be quite #egg #poachedegg #howtocookproperly ♬ This Is How We Do It - Montell Jordan
Кога ќе истече времето за готвење, извадете го јајцето од водата и никогаш не го ставајте веднаш на чинија, препорачува Фостер. Наместо тоа, ставете го на хартиена крпа за да ја впие целата вода. На крајот, додадете малку бибер, а со јајцето можете да додадете и други намирници по желба.
На овој начин ќе добиете совршено поширано јајце, неверојатно меко и несомнено вкусно.
Импресионирајте го партнерот и децата со своите кулинарски вештини!
