Каде и да игра, Луис Суарез многу брзо доаѓа до статусот на еден од омилените играчи на екипата. Истото се случи и кога ја напушти Европа и наместо во Саудиска Арабија или Америка, реши да оди во Бразил и да одигра една сезона за тимот на Гремио, а вчера и таа епизода заврши.
Уругваецот ги освои срцата на навивачите, па на збогувањето беше многу емотивно. Се збогуваше како што му доликува, во голем стил, со гол против Васко да Гама, за победа од 1-0, а кога после натпреварот уследиле овации, не можел да ги задржи солзите.
Секогаш емотивен и темпераментен, се скршил целосно кога му се придружило семејството, а тогаш сите заедно ја гледале снимката која клубот му ја посветил.
LUIS SUÁREZ SCORES THE WINNER ON HIS LAST GAME FOR GRÊMIO 🔥🔥🔥 pic.twitter.com/HHcVVUQ6BQ
— Sara 🦋 (@SaraFCBi) December 4, 2023
„Испиша прекрасно поглавје од нашата историја. Каде и да си, засекогаш ќе бидеш бесмртен“, напишал Гремио на социјалните мрежи.
Уругваецот постигна 27 гола на 52 натпревари за Гремио, а иако се очекува дека ќе се приклучи на Интер од Мајами, по натпреварот истакнал дека најпрво мора да одмори и да го слуша своето тело.
👋🏻🇺🇾 Luis Suárez, saying goodbye to Gremio fans… scoring his final goal.
— Fabrizio Romano (@FabrizioRomano) December 4, 2023
It’s 555th goal of his career. 🔫pic.twitter.com/EPIh52T7ko
„Чувствувам болка, моето тело зборува наместо мене. Сакам да уживам и да се одлучам за себе после долгата кариера. Морам да одморам, да уживам со своето семејство. Потоа судбината ќе знае каде ќе бидам во иднина“, рекол Суарез.
🇺🇾 Luis Suárez on his future: “I can feel pain, my body is speaking for me. I want to enjoy and then decide for myself after a long career”.
— Fabrizio Romano (@FabrizioRomano) December 4, 2023
“I need to rest, enjoy my family… then the destiny will know where I’ll be in the future”.
ℹ️ Lucho is now officially a free agent. pic.twitter.com/6yjyqnX4fI
