Реал Мадрид ги освои трите посакувани бода против Кадиз и тоа во средба во која можеше да даде и повеќе од три гола (3-0).
На оваа средба напаѓачот Хоселу имаше еден несфатлив потег на почетокот на вториот дел со кој ги шокираше навивачите на Реал, но и љубителите на фудбалот ширум светот.
По акцијата на Белингем и Родриго топката му се намести на Хоселу и тој само требаше да ја спроведе во голот, ама тој ја остави да заврши во гол аут.
Дефинитивно се работеше за одредено недоразбирање и за тоа говори даденото објаснување на летното засилување на „кралевите“.
- Зборував со Родриго за тоа што се случи. Тој не очекуваше дека Белингем ќе му ја додаде топката. Прво се обиде да додаде, а потоа дриблаше за да се ослободи од голманот, а кога го направи тоа, мислев ќе продолжи кон голот и ќе шутира. На крајот не се случи ниту едното, ниту другото.
- Ова ми се случува првпат во кариерата. Ќе остане анегдота, а најважно е што победивме, - рече Хоселу.
Joselu is Real Madrid’s only striker in 2023 👏pic.twitter.com/gM1XZUKaMF
— Mikael (@MikaelMadridsta) November 26, 2023