[ВИДЕО] „Бурата на векот“ ја пустоши Русија: Брановите голтаат градови, милиони без струја, има и загинати

Бурата на векот, или „Мегабура“, како што ја нарекуваат руските медиуми, во неделата го зафатила југот на Русија и анектираниот полуостров Крим, известиле спасувачките служби. Во соседна Укриана, повеќе од 2.000 места останале без струја, додека патиштата се блокирани.

Руското министерство за енергетика објави дека речиси два милиони луѓе во понеделникот останале без струја во Русија, на полуостровот Крим и во четири украински региони кои Русија ги окупирала: Доњецк, Луганск, Запорожје и Херсон, пренесува „Tass“.

Локалните медиуми пишуваат за најмалку четири смртни случаи поврзани со бурата. Државната агенција „TASS“ наведува дека едно лице настрадало во туристичкиот град Сочи, второ на Крим, а трето на брод во Керчкиот премин кој ги одвојува Крим и руското копно.

Ситуацијата е драматична и во Укриана каде повеќе од 2.000 села останале без струја, а бура ги зафатила и Молдавија, Грузија и Бугарија.

Во регионот Краснодар, каде се наоѓаат популарните летувалишта Сочи и Анапа, бурата предизвикала корнење на стотици стебла и уништила метални конструкции на плажите, објавило руското министерство за итни состојби.