Поради Франческо Камарда, кој дури во март ќе наполни 16 години, Милан барал и добил посебна дозвола за настап во Серија А. Тоа би можело да се случи веќе во сабота против Фиорентина.
Сè уште не наполнил ни 16 години, а веќе тренира со првата екипата на великанот Милан. Оваа сабота би можел да стане најмлад дебитант во историјата на Серија А.
Името му е Франческо Камарда, роден е на 10-ти март 2008-ма година и актуелен италијански репрезентативец до 17 години.
Со оглед на тоа дека тренерот на Милан Стефано Пиоли го нема на располагање Оливие Жиру поради картони, како и повредите на Рафаел Леао и Ноа Окафор, решил да побара напаѓач во јуниорската екипа.
🔎 #OneToWatch
— football b*stards (@FootballBstards) November 23, 2023
🔴⚫️ AC Milan are considering to call 2008 born Italian talent Francesco Camarda as part of the first squad for the upcoming game vs Fiorentina.
Camarda, 15 years old — already scored 3 goals vs PSG and Newcastle in Youth League.
New deal will also be offered… pic.twitter.com/ZmbDigO6Y6
И тој чекор бил голем за едно 15-годишно момче, но веќе постигнал 7 гола и два пати асистирал во 13 натпревари. До 14 години за Милан постигнал неверојатни 500 гола, односно пет и пол по натпревар?!
Светот го обиколи неговата мајсторија со ножички од натпреварот од младинската Лига на шампиони против ПСЖ, а против Њукасл постигнал хет-трик.
„Вистина е, ќе го приклучиме во тимот за натпреварот против Фиорентина. Многу е талентиран, а талентот не познава години. Ќе биде подготвен ако ни е потребен“, рекол Пиоли.
Пропозициите во Италија инаку им забрануваат на помлади од 16 години настап за сениорите, но за момче кое веќе е високо 184 центиметри и кое го нарекуваат нов Златан Ибрахимовиќ направиле исклучок.