Дејмијен Лилард цела својата играчка кариера му ја посвети на Портланд, но после цели 11 години минати во оваа франшиза, големата НБА ѕвезда реши дека е време за шампионски проект.
Лилард има 33 години и се наоѓа во фаза на кариерата кога мора да размислува за прв шампионски прстен, а потера по ова ќе започне како член на Милвоки Бакс.
Шпекулациите кои вчера беа топ тема во Америка добија официјална потврда и од самиот Дејм, кој најави дека ќе има емотивно обраќање до сите верни фанови на Портланд, но истовремено ја најави и својата нова авантура кај „елените“.
The casuals won’t be addressed but the trailblazers fans and city of Portland that I love truly will be … and they will be addressed truthfully. Stay tuned
— Damian Lillard (@Dame_Lillard) September 27, 2023
Excited for my next chapter! @Bucks ?️
– Нема да им се обратам на обичните навивачи, али тоа ќе го направам со вистинските навивачи на Трејблејзерс и граѓаните на Портланд кои навистина ги сакам. Ќе се обратам потполно искрено, бидете во тек. Возбуден сум за новата авантура во Бакси, – порача Лилард.
Спектакуларниот плејмејкер дефинитивно ќе биде огромно засилување за Милвоки, а заедно со Јанис Адетокумбо сигурно ќе претставуваат двоец кој ќе го нападне шампионскиот трофеј во НБА лигата.
