„Научниците беа многу возбудени кога го подигнаа капакот. Внатре во капсулата пронајдоа темна прашина и честички со големина на песок“, напиша вчера на "X" Одделот за истражување на астроматеријали на НАСА (АРЕС).

Ова е само почеток, бидејќи тимот сè уште не пристапил до главниот примерок oд астероидот. Тоа ќе бара демонтирање на уредот за собирање примероци TAGSAM, што е комплициран процес кој ќе потрае одредено време, пренесува "Index.hr".

Долг пат до астероид

НАСА ја лансираше сондата "OSIRIS-REx" кон Бену во септември 2016 година. Беа потребни две години за леталото да стигне до астероидот, а потоа уште две мапирања на површината пред тимот да најде соодветно место за собирање на примероци. На 20 октомври 2020 година сондата се спушти до астероидот и успеа да ја собере скапоцената прашина. Сепак, не помина сè како што очекуваа научниците.

Идејата беше сондата со својот дел да удри во површината и да ослободи излив на азотен кој ќе ги крене песокот и прашината. Меѓутоа, во текот на тој процес следел своевиден шок. Кога механизмот воспоставил контакт, површината се одвоила како течност, предизвикувајќи воздухот да создаде кратер со дијаметар од 8 метри.

Материјалот се разлетал во сите насоки, но за среќа и во комората за собирање примероци. Се поставува прашањето зошто целиот овој долгорочен и комплексен проект е толку важен?

Првата причина е што Бену е на врвот на листата на опасни астероиди на НАСА. Познавањето на составот на Бену може да ни даде идеја како да го запреме ако бидеме принудени да направиме вакво нешто во иднина.

Бену е остаток од времето на формирањето на Сончевиот систем пред 4,5 милијарди години, и всушност е совршено сочувана временска капсула.

НАСА смета дека Бену е најопасната карпа во Сончевиот систем бидејќи има најголема веројатност да удри во Земјата од сите познати астероиди. Сепак, нема за што да се грижите. Иако Бену претставува ризик за нашата планета, веројатноста за удар е многу мала, пишува Science Alert.