За прв пат, "ChatGPT" може да реагира и на фотографии.
"OpenAI", старт-ап компанија од Сан Франциско која се занимава со вештачка интелигенција, денеска објави верзија на чет-бот кој може да комуницира со луѓето преку зборување, пишува "New York Times".
Како и кај "Alexa" на "Amazon" и "Siri" на "Apple" и други дигитални асистенти, корисниците можат да разговараат со "ChatGPT" (чет-бот за вештачка интелигенција развиен од "OpenAI") и тој ќе одговори.
За прв пат, "ChatGPT" може да реагира и на фотографии.
Луѓето можат, на пример, да испратат фотографија од внатрешноста на нивниот фрижидер, а четботот може да обезбеди список на јадења што можат да ги готват со состојките што ги имаат.
„Сакаме да го направиме "ChatGPT" полесен за користење и покорисен“, вели Питер Денг, потпретседател на "OpenAI" за потрошувачки и деловни производи.
"OpenAI" го забрза објавувањето на своите алатки за вештачка интелигенција во последниве недели.
Овој месец ја претстави и новата верзија на својот генератор на фотографии "DALL-E".
"ChatGPT" привлече стотици милиони корисници откако беше претставен во ноември, а неколку други компании наскоро најавија слични услуги.
"Alexa" и "Siri" долго време пружаат начини за интеракција со паметните телефони, лаптопи и други уреди преку изговорени зборови.
Но, чет-ботовите како "ChatGPT" и "Google Bard" имаат помоќни јазични вештини и се способни веднаш да пишуваат електронски пораки, поезија и семинарски трудови, пишува "New York Times".
