Ин витро оплодување, борба, искуства и победа. Ова било тема на емисијата „Блиц жена студио“, која се емитувала на „Телевизија Блиц“, а околу напорите да забременат повеќе од една деценија, зборувале Сандра Јовановиќ, пиар на болницата „BioCell“ и дизајнерката Ирена Граховиќ, додека авторката и водителка Јелена Исаковиќ била домаќин и на проф. д-р Александар Љубиќ, чие име било синоним за успешно ин витро оплодување.
Сандра Јовановиќ е една од најблиските соработници на д-р Љубиќ, таа е претседателка на здружението „Шанса за родителство“, а од прва рака доживеала колку може да биде исцрпувачка борбата за потомство. Колку разочарувања, станувања, обиди, процеси на инсеминација и сомнежи преживува една жена, пред да открие дека резултатите од тестот за бременост се конечно позитивни – а во нејзиниот случај тоа било речиси деценија и пол борба.
„Тоа е долг период – 14 години, 14 ин витро оплодувања, 14 стимулации, малку повеќе и трансфери. Една голема борба. Една жена која навистина и повеќе од сè сака бебе, по секој неуспешен ин витро процес, подоцна ѝ е многу потешко да се „подигне“ – се присетила Сандра, денес мајка на малата Љубица, но одговорила и на прашањето зошто неплодноста боли во општеството каде жените кои немаат деца се означени како „неплодни“.
За парот кој поминува низ овој процес, најважно е да има љубов и поддршка бидејќи неуспешните обиди, особено ако се повторуваат низа години по ред, може да го срушат менталното здравје, да доведат до депресија, а со тоа и да почнат да размислуваат за откажување.
„Јас имав граници во мојата глава во однос на тоа до кога ќе се обидувам. Мојата граница беше до 40 години со мои јајце-клетки, после тоа уште 2 години со донирани јајце-клетки и ако тоа не успееше ќе си кажев дека е во ред да се откажам. За среќа, такво нешто не се случи, изјавила Сандра Јовановиќ и додала дека честопати сопругот го прашувала едно исто прашање – дали навистина имаат нивно бебе сега.
Познатата српска дизајнерка, Ирена Граховац открила како мајчинскиот инстинкт ѝ се јавил во 40 година од животот, кога веќе по секоја цена сакала да стане мајка, како минувала нејзината борба да добие дете, но и какво бил чувството сега, кога одела на родителски средби кај ќерката Софија, додека за искуствата со пациентите и професионалните совети ги споделил проф. д-р Александар Љубиќ.
