Македонскиот поп-пејач Давид Темелков викендов стапи во брак со сопругата Елена Јунг, позната хрватска водителка од Истра, а свадбата ја правеа во Скопје.
На нивната свадбена веселба одржана во скопски ресторан, присуствувале околу 250 гости од Македонија и Хрватска.
Пресреќниот пејач објави неколку фотографии од нивната свадбена бајка под кои ѝ посвети емотивна порака на саканата:
„Од денес, љубовта го носи твоето име.
Низ порази и победи, низ милости и немилости – еве нѐ, пред Бога рековме „Да“!
Малата водњанка и лудиот скопјанец, оган и вода велат не оди, сѐ додека не нè видат.
Да ти кажам фала за сè, малку е.
Беше тука и кога многумина би се откажале. Но, ти не, тука си.
Кога ќе се навратам наназад, многу поминавме и не ми е сеедно додека го пишувам ова. Животот пишува чудни приказни, па и оваа нашава ја пишува со некој чуден ракопис. Нека пишува, а ние ќе читаме – засекогаш“.
„Венчаницата ми е купена пред пет месеци. Не правам драма околу тоа, сакам тој ден да ми биде убав, а не стресен. Сите знаеме како невестите ненамерно си го расипуваат денот“, изјавила Елена пред два месеци во интервју за хрватска „Глорија“.
Инаку, љубовта на Давид и преубавата Елена започнала во 2015 година кога тие се запознале на концерт на Тони Цетински во Пула.
