Мигрантот од Сирија кој утрово со нож избол осум деца и возрасни во францускиот град Анеси, уапсен бил веднаш по нападот.
На социјалните мрежи се појавило видео од апсењето на напаѓачот. На видеото се гледаат тројца полицајци кои се обидуваат да го соборат напаѓачот, двајца одвај го држат на земја, а третиот се обидува да му стави лисици. Исто така се гледа дека игралиштето во тој момент било полно со луѓе.
Attaque au couteau à Annecy: l'interpellation de l'agresseur filmée par un témoin pic.twitter.com/Q0EHJypyRr
— BFMTV (@BFMTV) June 8, 2023
Нападот се случил на игралиште покрај локалното езеро на кое во тој момент според наводите на француските медиуми се наоѓа група деца на старост од три до пет години.
Сведоците за локалните медиуми изјавиле дека мажот со турбан почнал да ги напаѓа децата.
Локалните медиуми наведуваат дека две деца и една возрасна личност се наоѓаат во критична состојба.
#Breaking: Just in - Reports of an mass stabbing attack at a park in #Annecy, #France, reports that the suspect wore a tulband on his head injuring at least 8 minors with 2 minors critically injured being airlifted, the school had an outdoors event taking the children to the… pic.twitter.com/wWzLyE63XQ
— Sotiri Dimpinoudis (@sotiridi) June 8, 2023
Се огласил и францускиот претседател Емануел Макрон.
„Напад на кукавички начин утрово во парк во Анеси. Децата и возрасните се меѓу животот и смртта. Нацијата е во шок. Нашите мисли се со нив, како и со нивните семејства и со мобилизираните спасувачки служби“, напиша Макрон на Твитер.