Фиорентина беше подобар тим од Вест Хем во најголем дел од финалето во Конференциската лига, но фудбалот во безброј пати ни покажал дека не победува оној кој заслужува, туку оној кој ги користи своите шанси.
„Чеканите“ беа перфектни во Прага и го искористија секое невнимание на противникот, а клучен момент беше акцијата во 90-та минута која пристигна по еден рикошет на средината на теренот.
Пакета мајсторски го проигра Боуен и го остави соиграчот во одлична ситуација, но додека играчите на Вест Хем го славеа голот кој значеше трофеј, противничкиот тренер имаше забелешки за играчот кој влезе само неколку минути претходно.
Игор Жуниор го замени Раниери за да донесе свежина, но токму тој беше човекот кој не успеа да го стигне Боуен кој успеа да го матира Терачано.
– Имавме двајца дефанзивци до нивни еден играч, а на крајот поумешен излезе нивниот играч. Игор само што влезе во игра, беше свеж и мораше да биде многу подобар, многу побрз. Му објаснив дека мораше да биде подобар, многу подобар во таа ситуација. Ако бевме пофокусирани, немаше да дојдеме до ова. Загубивме две финалиња на ужасен начин, она во Купот со Интер и сега во Европа. Никогаш не замислував дека ќе искусам вакво нешто, но еве искусив, – изјавил разочараниот тренер на Фиорентина, Винченцо Италијано.
